Экспортын үйлдвэр

“Очир Дагинас” үйлдвэр нь анх 2017 онд  ISO 22000:2005 олон улсын стандартыг нэвтрүүлж байсан бол 2020 онд “Хиам, махан бүтээгдэхүүн, нөөшилсөн буюу консервлосон бүтээгдэхүүн” үйлдвэрлэлийн  чиглэлээр “Хүнсний аюулгүй байдлын удирдлагын тогтолцоо”  ISO 22000:2018 олон улсын стандартыг хэрэгжүүлж дэлхийд нэр хүндтэй Британийн стандартын  BSI байгууллагаар баталгаажуулалт хийлгэн ANAB болон олон улсын итгэмжлэлийн IAF байгууллагуудын давхар итгэмжлэлтэй, ISO 22000 болон HACCP стандартын гэрчилгээнүүдийг хамтад нь авсан Монголын анхны үйлдвэр юм.

ISO 22000 2005 стандарт нь хүнсний аюулгүй байдал, үйлдвэрлэлийн процессыг илүүтэй анхаардаг байсан бол шинэчлэгдсэн стандартыг нэвтрүүлснээр компани эрсдэлийн удирдлагын системтэй бодлогоороо онцлог юм. Компанийн эрсдэлийн удирдлага нь дотоод гадаад эрсдэл, сонирхол зэргийг SWOT, PESTLE арга ашиглан тооцоолсноор хэрэглэгчийн сэтгэл ханамж, дотоод ажилчдын сэтгэл ханамж зэргийг хамтад нь дээшлүүлж компанийн үйл ажиллагаа тасралтгүй сайжрах системийг бий болгодог давуу талтай.

“Очирдагинас”ХХК нь 2016 онд дэлхийн жишигт нийцсэн Хиам, консервын үйлдвэр” байгуулахаар “Экспортын үйлдвэр”-ийн төслийг боловсруулан 2017 онд төслийн бэлтгэл ажлыг эхлүүлж, 2018 оны 4 дүгээр сард ашиглалтад оруулсан. Мөн  “Хүнсний аюулгүй байдлын удирдлагын тогтолцоо” болох ISO 22000 олон улсын стандартыг нэвтрүүлэн “Дэлхийн №1 стандартын байгууллага болох Британийн BSI байгууллага”-аар баталгаажуулалт хийлгэсэн.

Экспортын шинэ үйлдвэрийн онцлог нь Олон улсын стандарт, орчин үеийн хиам, махан бүтээгдэхүүний үйлдвэрлэлийн технологийн урсгалын дагуу үйлдвэрлэлийн дамжлага хооронд урсгал давхцахгүй байх зохион байгуулалттайгаараа онцлог юм. Улмаар БНХАУ-руу анхны бүтээгдэхүүнээ экспортод гаргаж байсан бол одоо  БНСУ-ын THE-O компанитай хийсэн экспортын гэрээнийхээ дагуу өөрийн бүтээгдэхүүнээ БНСУ-ын зах зээлд экспортолж байна.

 “ЭКСПОРТЫН ҮЙЛДВЭР” нь өнөөдрийн байдлаар 50 гаруй нэр төрлийн чанамал, хагас утлагат, давхар утлагат хиам, элэгний нухаш, зайдас, утсан мах, Баян Монгол, Bio брэндийн нөөшилсөн бүтээгдэхүүн өдөрт 10,500-14,500 кг хиам, махан бүтээгдэхүүн, 3200кг нөөшилсөн бүтээгдэхүүн үйлдвэрлэх хүчин чадалтай,  500тн-ын хөргөлтийн зоорьтойгоор үйл ажиллагаа явуулж байна.

Экспортын үйлдвэрийн шат дамжлага нь:

–          Түүхий эд материал хүлээж авах-Эрүүл ахуй, эгзэгтэй цэгийн хяналт
–          Түүхий эд материал хадгалах- Эрүүл ахуй, эгзэгтэй цэгийн хяналт
–          Түүхий эд материал бэлтгэх-Эрүүл ахуй, чанарын хяналт
–          Найрлага-Эрүүл ахуй, чанарын хяналт
–          Савалгаа-Эрүүл ахуй, чанарын хяналт
–          Дулааны боловсруулалт- Эрүүл ахуй, эгзэгтэй цэгийн хяналт
–          Бэлэн бүтээгдэхүүн- Эрүүл ахуй, чанарын хяналт
–          Бэлэн бүтээгдэхүүний хадгалалт- Эрүүл ахуй, чанарын хяналт
–          Бэлэн бүтээгдэхүүний тээвэрлэлт- Эрүүл ахуй, чанарын хяналт

гэсэн шатлал бүрт эрүүл ахуй, чанарын шалгалттайгаар ажилладаг.